ಲೈಗರ್ ಸಿನಿಮಾ ನೋಡಿ ಶಾಕ್ ಆದ ಸೆನ್ಸಾರ್ ಮಂಡಳಿ, ಹಲವು ದೃಶ್ಯಗಳಿಗೆ ಕತ್ತರಿ

ವಿಜಯ್ ದೇವರಕೊಂಡ ನಟನೆಯ ಬಹು ನಿರೀಕ್ಷಿತ ಪ್ಯಾನ್ ಇಂಡಿಯಾ ಸಿನಿಮಾ ಲೈಗರ್ ಸದ್ಯದಲ್ಲೇ ತೆರೆಗೆ ಬರಲಿದೆ. ಸಿನಿಮಾವನ್ನು ಜನರಿಗೆ ತಲುಪಿಸಲು ವಿಜಯ್ ದೇವರಕೊಂಡ, ಅನನ್ಯಾ ಪಾಂಡೆ ಹಾಗೂ ಇಡೀ ಚಿತ್ರತಂಡ ಭಾರತದಾದ್ಯಂತ ಪ್ರಚಾರ ಕಾರ್ಯದಲ್ಲಿ ತೊಡಗಿಕೊಂಡಿದೆ. ಇನ್ನೆನ್ನೂ ಸಿನಿಮಾ ರಿಲೀಸ್ ಗೆ ಕೆಲವು ದಿನಗಳು ಮಾತ್ರವೇ ಭಾಕಿ ಇದೆ. ಈ ಮಧ್ಯೆ ಚಿತ್ರತಂಡಕ್ಕೆ ಸೆನ್ಸಾರ್ ಮಂಡಳಿ ದೊಡ್ಡ ಶಾಕ್ ನೀಡಿದೆ. ಸಿನಿಮಾ ವೀಕ್ಷಿಸಿದ ಸೆನ್ಸಾರ್ ಮಂಡಳಿ ಚಿತ್ರದಲ್ಲಿರು ಅಶ್ಲೀಲ ಭಾಷೆ ಕಂಡು ದಂಗಾಗಿದ್ದು ಬದಲಾವಣೆ ಮಾಡುವಂತೆ ಸೂಚನೆ ನೀಡಿದೆಯಂತೆ. ಲೈಗರ್ ಸಿನಿಮಾ ವೀಕ್ಷಿಸಿದ ಸೆನ್ಸಾರ್ ಮಂಡಳಿ ಚಿತ್ರಕ್ಕೆ ಯು/ಎ ಪ್ರಮಾಣ ಪತ್ರ ನೀಡಿದೆ. ಜೊತೆಗೆ ಹಲವಾರು ಆಕ್ಷೇಪಣೆಗಳು ಚಿತ್ರಕ್ಕೆ ಎತ್ತಿದೆ. ಡೈಲಾಗ್‌ಗಳಲ್ಲಿ ಅಶ್ಲೀಲ ಭಾಷೆಯನ್ನು ಬಳಸಲಾಗಿದ್ದು, ಅದರಲ್ಲಿ ಕೆಲವು ಪದಗಳನ್ನು ತೆಗೆದು ಹಾಕಲು ಸೂಚಿಸಿದರೆ. ಇನ್ನು ಕೆಲವು ಪದಗಳನ್ನು ಮ್ಯೂಟ್ ಮಾಡಲು ಸೂಚಿಸಲಾಗಿದೆಯಂತೆ. ಲೈಗರ್ ಚಿತ್ರದ ಮೂಲಕ ಭಾರತವನ್ನೇ ಅಲ್ಲಾಡಿಸಲಿದ್ದೇನೆ ಎಂದು ಈಗಾಗಲೇ ಸುಳಿವು ನೀಡಿದ್ದ ಪುರಿ ಜಗನ್ನಾಥ್ ಈ ಸಿನಿಮಾದಲ್ಲಿ ಹಲವು ಹೊಸ ಕೋನಗಳನ್ನು ಪರಿಚಯಿಸಲಿದ್ದಾರೆ. ಹಲವು ಅಚ್ಚರಿಯ ಅಂಶಗಳನ್ನು ಈ ಸಿನಿಮಾದಲ್ಲಿ ತೋರಿಸಲಾಗುತ್ತಿದೆ. ಮುಂಬೈನ ಹಿನ್ನೆಲೆಯನ್ನು ಆಯ್ದುಕೊಂಡು ಬಾಕ್ಸಿಂಗ್ ಹಿನ್ನೆಲೆಯಲ್ಲಿ ಸಿನಿಮಾವಾಗಿರೋ ಲೈಗರ್ ಆಗಸ್ಟ್ 25ರಂದು ತೆರೆಗೆ ಬರಲಿದೆ.