ಗಿಚ್ಚಿ ಗಿಲಿ ಗಿಲಿ ಬಳಿಕ ಮತ್ತೆ ಬಂದ ವನ್ಷಿಕಾ: ನನ್ನಮ್ಮ ಸೂಪರ್ ಸ್ಟಾರ್ ಸೀಸನ್ 2ಕ್ಕೆ ಈಕೆಯೇ ನಿರೂಪಕಿ

ಮಾಸ್ಟರ್ ಆನಂದ್ ಮಗಳು ವನ್ಷಿಕಾ ಸದ್ಯ ಸಖತ್ ಸದ್ದು ಮಾಡ್ತಿದ್ದಾಳೆ. ಈಕೆಯ ಪಟ ಪಟ ಮಾತಿಗೆ ಹಾಗೂ ಅದ್ಭುತ ನಟನೆಗೆ ಪ್ರೇಕ್ಷಕರು ಕ್ಲೀನ್ ಬೋಲ್ಡ್ ಆಗಿದ್ದಾರೆ. ಗಿಚ್ಚಿ ಗಿಲಿ ಗಿಲಿ ಹಾಗೂ ನಮ್ಮಮ್ಮ ಸೂಪರ್ ಸ್ಟಾರ್ ರಿಯಾಲಿಟಿ ಶೋಗಳಲ್ಲಿ ಹೆಸರು ಮಾಡಿರೋ ವನ್ಷಿಕಾ ಇದೀಗ ಮತ್ತೆ ಸುದ್ದಿಯಾಗಿದ್ದಾಳೆ. ಈಗಾಗ್ಲೆ ವಂಶಿಕಾ ಸಿನಿಮಾದಲ್ಲಿ ನಟಿಸುವ ಚಾನ್ಸ್ ಗಿಟ್ಟಿಸಿಕೊಂಡಿದ್ದಾಳೆ. ನಟ ವಸಿಷ್ಠ ಸಿಂಹ ನಟನೆಯ ಲವ್ ಲಿ ಸಿನಿಮಾದಲ್ಲಿ ನಟಿಸುತ್ತಿದ್ದು ಇದೀಗ ಮತ್ತೆ ಕಿರುತೆರೆಯಲ್ಲಿ ಪ್ರೇಕ್ಷಕರ ಮುಂದೆ ಬರಲು ರೆಡಿಯಾಗಿದ್ದಾಳೆ. ಕಳೆದ ಕೆಲ ದಿನಗಳ ಹಿಂದಷ್ಟೇ ಗಿಚ್ಚಿ ಗಿಲಿ ಗಿಲಿ ಶೋ ಮುಗಿದಿದ್ದು ವಂಶಿಕಾ ಗೆದ್ದು ಬೀಗಿದ್ದಾಳೆ. ಅಷ್ಟರಲ್ಲಾಗಲೆ ಮತ್ತೊಮ್ಮೆ ವೇದಿಕೆ ಮೇಲೆ ಬರಲು ವನ್ಷಿಕಾ ರೆಡಿಯಾಗಿದ್ದಾಳೆ. ನನ್ನಮ್ಮ ಸೂಪರ್ ಸ್ಟಾರ್ ಸೀಸನ್ 2ಕ್ಕೆ ಪುಟಾಣಿ ಪ್ರತಿಭೆ ವನ್ಷಿಕಾ ನಿರೂಪಣೆ ಮಾಡಲಿದ್ದಾಳೆ. ಅದೆಷ್ಟೋ ಭಾರಿ ಆನಂದ್ ತನ್ನ ಮಗಳ ಬಗ್ಗೆ ಹೇಳಿಕೊಂಡಿದ್ದರು. ಇದುವರೆಗೂ ಮಾಸ್ಟರ್ ಆನಂದ್ ಎಂದು ಗುರುತಿಸುತ್ತಿದ್ದವರು ಇಂದು ವನ್ಷಿಕಾ ತಂದೆಯೆಂದು ಹೇಳುತ್ತಿದ್ದಾರೆ ಎಂದು ಹೇಳಿಕೊಂಡಿದ್ದರು. ಒಟ್ನಲ್ಲಿ ವಿದ್ಯಾಭ್ಯಾಸದ ಜೊತೆ ಜೊತೆಗೆ ಬಣ್ಣದ ಲೋಕದಲ್ಲೂ ಮಿಂಚುತ್ತಿರುವ ವಂಶಿಕಾ ತಂದೆಯಂತೆ ತಾನೂ ಕೂಡ ನಿರೂಪಕಿಯಾಗಿ ಪ್ರೇಕ್ಷಕರ ಮನ ಗೆಲ್ಲಲ್ಲು ರೆಡಿಯಾಗಿದ್ದಾಳೆ.